Isa 29 | Ndebele | STEP | Maye kuyo iAriyeli , kuyo iAriyeli umuzi uDavida amisa kuwo inkamba ! Yengezelelani umnyaka emnyakeni; kayibhode imikhosi .

1 Maye kuyo iAriyeli ^a, kuyo iAriyeli umuzi uDavida ^b amisa kuwo inkamba ^c! Yengezelelani umnyaka emnyakeni; kayibhode ^d imikhosi ^e. 2 Kanti ngizayicindezela iAriyeli ^f, njalo kube khona ukulila losizi; njalo kuzakuba njengeAriyeli kimi ^g. 3 Njalo ngizamisa inkamba ^h inhlangothi zakho zonke ⁱ, ngikuvimbezele ^j ngedundulu ^k, ngikumisele izinqaba ^l ezimelene lawe. 4 Njalo uzakwehliselwa phansi ^m, ukhulume usemhlabathini, lenkulumo yakho izakuba phansi ethulini ⁿ, lelizwi lakho lizakuba njengeloledlozi ^o liphuma emhlabathini, lenkulumo yakho ibe ngumlozwi ophuma othulini ^p. 5 Njalo ixuku labezizwe bakho lizakuba njengothuli olucholekileyo ^q, lexuku labalesihluku ^r njengamakhoba adlulayo ^s. Yebo, kuzahle kube masinyane ^t. 6 Uzakwethekelelwa yiNkosi yamabandla ^u ngomdumo, langokuzamazama komhlaba, lomsindo omkhulu, isivunguzane, lesiphepho ^v, lelangabi lomlilo oqothulayo ^w.

7 Lexuku lezizwe zonke ^x elilwa limelene leAriyeli ^y, ngitsho zonke ezilwa zimelene layo lezinqaba zayo ^z, leziyicindezelayo, zizakuba njengephupho, umbono wobusuku ^aa. 8 Kuzakuba lanjengolambileyo ephupha ^{ab
,} ^ac, khangela-ke, uyadla, kodwa aphaphame ^ad, lomphefumulo wakhe ungelalutho; loba njengowomileyo ephupha, khangela-ke, uyanatha, kodwa aphaphame, khangela-ke uphelelwa ngamandla, lomphefumulo wakhe uyalangatha ^ae; lizakuba njalo ixuku lazo zonke izizwe ezilwa zimelene lentaba iZiyoni.

Ukuphumputheka kukaIsrayeli

9 Manini, lithithibale; zithokoziseni liphumputheke; badakiwe ^af, kodwa hatshi ngewayini ^ag; bayadiyazela, kodwa hatshi ngenxa yokunathwayo okulamandla. 10 Ngoba iNkosi ^ah ithululele phezu kwenu umoya wobuthongo obunzima ^ai, yavala amehlo enu ^aj; abaprofethi lezinhloko zenu, ababoni, ibagubuzele.

11 Lawo wonke umbono ^ak usube kini njengamazwi ogwalo olunanyekiweyo ^al okuthi balunika owazi umbhalo, besithi: Bala lokhu siyakuncenga; yena athi: Ngingeke, ngoba lunanyekiwe ^am. 12 Ugwalo beselunikwa ongazi umbhalo, besithi: Bala lokhu, siyakuncenga; yena athi: Kangiwazi umbhalo.

13 INkosi yasisithi: Ngenxa yokuthi lababantu besondela ngomlomo wabo ^an langezindebe zabo bengihlonipha ^ao, kodwa babeka inhliziyo yabo khatshana lami, lokungesaba kwabo kufundiswa ngumlayo wabantu ^ap; 14 ngakho, khangela, ngizaqhubeka ukukwenza ngokumangalisayo lalababantu, umsebenzi omangalisayo lesimanga; ngoba inhlakanipho ^aq yabahlakaniphileyo babo izaphela, lokuqedisisa kwabaqedisisayo babo kucatshe. 15 Maye kulabo abajula besuka eNkosini ukuze bafihle icebo labo ^ar, lemisebenzi yabo isemnyameni, bathi: Ngubani osibonayo? Njalo ngubani osaziyo? ^as 16 Ukugonqomisa kwenu kuthiwa kunjengebumba lombumbi! Ngoba umsebenzi ^at uzakutsho yini ngaye owenzileyo ukuthi: Kangenzanga? Kumbe okubunjiweyo ^au kungatsho yini ngombumbi wakho ukuthi: Kaqedisisi?

17 Kakuseyisikhatshana esifitshane ^av yini, ukuthi iLebhanoni ^aw iphendulwe ibe yinsimu ethelayo, lensimu ethelayo ^ax ithiwe injengehlathi? 18 Njalo ngalolosuku ^ay izacuthe ^az zizakuzwa amazwi ogwalo, lamehlo eziphofu abone ekufiphaleni lemnyameni. 19 Abathobekileyo ^ba labo bazakwandisa intokozo eNkosini, labangabayanga ebantwini ^bb bathokoze koNgcwele kaIsrayeli. 20 Ngoba olesihluku ^bc uzaphela ^bd, lodelelayo ^be uqediwe ^bf, labo bonke abalindele okubi baqunyiwe; 21 abenza umuntu one ngelizwi, bambekele umjibila okhuzayo esangweni ^bg, baphambule olungileyo ^bh ngento engelutho ^bi.

22 Ngakho itsho njalo iNkosi eyahlenga uAbrahama, ngendlu kaJakobe: Khathesi uJakobe kayikuba lanhloni, lobuso bakhe khathesi kabuyikuhloba. 23 Ngoba lapho ebona abantwana bakhe, umsebenzi wezandla zami ^bj, phakathi kwakhe, bazangcwelisa ibizo lami ^bk; bangcwelise oNgcwele kaJakobe, besabe uNkulunkulu kaIsrayeli ^bl. 24 Lalabo abaduhayo emoyeni bazakwazi ukuqedisisa, labangungunayo ^bm bazafunda imfundiso ^bn.